Bilang pagbibigay ng basbas at suporta sa mga Sagradan na delegado ng Bulacan Private Schools Association (BulPriSA) at Press Conference, nagsagawa ng send-off ceremony matapos ang ginanap na misa sa himnasyo, Setyembre 4. Pinamunuan ang nasabing pangyayari ng Supreme Student Government (SSG) na may temang “Bound for Greater Heights” sa pangunguna ni Bb. Roan Estay, gurong tagapag-ugnay ng programa. Sinalubong ang mga kalahok ng palakpakan at sigawan kasabay ng mga inihandang presentasyon ng SSG tulad ng video presentation, pagkanta at pagsayaw. Kaugnay nito, naghandog ng isang mensahe ang punong-guro ng Montessori De Sagrada Familia (MDSF) na si Gng. Maria Cristina Silamor upang ipaalala na magpursigi at magpasalamat sa pagtanggap sa hamon ng bawat naturang kalahok. Samantala, bitbit ng mga nasabing delegado ang pangalan ng nabanggit na paaralan kasabay ng suporta at tiwalang ipinagkaloob sa kanila ng mga tagapagsanay, guro, kamag-aral at maging ang komunidad ng buong MDSF.
Ni Alson James M. Tagalag
#SoarhighSagradans #SagradanExcellence #BulPriSA2019 #PressConference2019 #SoarhighMDSF
