Nasaksihan ng mga mag-aaral mula baitang tatlo hanggang anim nang ungusan ni Justin L. Sarmiento ng partidong REAL ang pambato ng kabilang partidong SWEG na si Rheeana Ghia DR. Medrano sa botong 264-223 noong Miyerkules sa MDSF Gym, Ika-2 ng Agosto.
Sa humigit kumulang 520 botante sa 20 presinto, sinigurado ni Sarmiento, isang masigasig na mag-aaral mula sa baitang anim at pangkat Moonstone, ang kanyang pwesto sa pinakamataas na tanggapan na maaring pamunuan ng mga mag-aaral o SPG. Bitbit ang mga adhikain at pangitain na nais niyang isakatuparan sa kanyang termino, tiniyak ni Sarmiento ang isang mas aktibo at makamag-aaral na mga gawain ng SPG.
Sa isang panayam kay Sarmiento ito ang mga katagang namutawi sa kanyang bibig “We want to establish the SPG’s presence by introducing plenty of activities for all our fellow Sagradans”.
Samantala, nasungkit din ng partidong REAL o Responsible Enthusiastic and Awesome Leaders na kinabibilangan ni Sarmiento ang isang posisyon sa mayorya at apat na posisyon sa minorya. Sa kabilang banda naman, winalis ng partidong SWEG na may ibig sabihing Sagradans with Excellence and Generosity ang apat na posisyon sa mayorya at pito naman sa minorya.
Ang kaganapang ito ay nagpapakita lamang kung paanong itinatanim ng MDSF sa puso ng bawat isang mag-aaral nito ang kahalagahan ng paglilingkod sa kapwa ng walang hinihintay na kapalit.
Ang sumusunod ay ang kompletong listahan ng mga nagwagi sa nakaraang eleksyon ng SPG 2017:
Mayor: Justin L. Sarmiento
Vice Mayor: Samantha Heart D. Carlos
Secretary-General: Gwyneth Jane C. Umali
Treasurer: Lee Ceazar DC. Flores
Auditor: Maria Julliana Sagum
Peace Officer: Anaiah Jewel D. Cruz
Representatives:
Grade 6: Precious Carl R. Cruz; Marc James S. Dioquito; Rafael C. Garcia; Aneeza Julia J. Sarmiento
Grade 5: Chloe Reese T. Alvarez; Denyza Mae C. San Jose; Nathalie Nicole A. Mendoza
Grade 4: Ethan Jon Gabrielle S. Imperial; Reuben Ryan M. Ronas
Grade 3: Rhyse Kristen C. Reyes; James Benedict D. Carlos
Isinulat ni: Robert Aquino
