Muling humakot ng medalya ang MDSF Vikings sa idinaos na swimming event ng 2017 Bulacan Private Schools Association kahapon.
Kapwa naguwi ng limang gintong medalya sina Althea Gianne Carlos at ang Palarong Pambansa 2016 gold medalist na si Mico Angelo del Poso sa kanilang tig-limang events.
Dinomina ni del Poso ang 100m at 200m Freestyle, 100m at 200m Butterfly, at 200m Individual Medley habang 100m at 200m Freestyle, 100m at 200m Breaststroke at 200m Individual Medley para kay Carlos.
Nagbulsa naman si Luiz Manese ng tatlong ginto at dalawang pilak, si Jolo Reyes ng dalawang ginto at tatlong pilak, Patricia Mariz Cruz, limang pilak, Arnold Bernardo, tatlong pilak at dalawang tanso, Simone Fernandez, dalawang pilak at tatlong tanso at si Jhunnie jane basquiñas na may apat na tanso
Pinaghahandaan na ng Vikings ang kanilang pagsabak sa District III Provincial Meet na inaasahang gaganapin sa isang buwan.
Isinulat ni: Althea Alejandrino
